لما الحكاية تبيع أكتر من الإعلان يبقي ده الـ Storytelling في التسويق.
إحنا كـ بشر بطبعنا بنحب نسمع حكايات. من وإحنا صغيرين وإحنا بنتشد لأي حد بيحكي قصة. بنحب نعيش جوها، ونتعاطف مع أبطالها، ونفتكرها حتى بعد ما تخلص.
عشان كده في التسويق، الـ Storytelling بقى من أقوى الأساليب اللي بتخلي الـ Brand يثبت في دماغ الناس ويأثر في قراراتهم الشرائية.
يعني إيه Storytelling في التسويق؟
هو إنك تقدم الـ Brand بتاعك أو المنتج أو حتى الفكرة، في شكل Storytelling بتلمس مشاعر الجمهور. مش بس تقول “اشتروا مننا”، لكن تحكي لهم “ليه تشتروا؟” و”إزاي هيغير حياتكم؟”
والمفتاح هنا هو العاطفة… مش المنطق، الناس مش بتشتري بالعقل بس، لأ، بتشتري بالإحساس.
الفرق بين المحتوى العادي والـ Storytelling
المحتوى العادي:
“المنتج بتاعنا بيطول الشعر وبيقلل التساقط بنسبة 80%.”، ده محتوي عادي هدفه بيع بشكل مباشر.
نفس المعلومة في Storytelling:
“منة كانت بتحس بالإحباط كل مرة تمشط شعرها وتشوفه بيقع… جربت حاجات كتير ومفيش فايدة، لحد ما لقيت الحل… بعد 3 أسابيع بس من استخدام سيروم الشعر التساقط وقف، وثقتها في نفسها رجعت.”
دي Storytelling هدفها بيع بردو بس علي شكل Story.
ليه لازم تستخدم Storytelling؟
1. بيخلي الـ Brand إنساني
الـ Storytelling بتخليك مش مجرد شركة بتبيع، لكن فيه ناس، مشاعر، ومواقف حقيقية.
2. بيربطك بالجمهور
كل ما الـ StoryTelling كانت قريبة من حياتهم، كل ما حسوا إنك فاهمهم.
3. الناس بتفتكر القصص أكتر من الإعلانات
جرب كده، فكر في آخر قصة شدت انتباهك… أكيد فاكر تفاصيلها، مش بس اسم المنتج.
4. بيزود التفاعل والانتشار
الناس بتحب تشارك القصص اللي أثرت فيهم، فبتاخد Share أكتر، Comments أكتر، وبالتالي Trend أكتر.
عناصر القصة التسويقية الناجحة:
1. بطل القصة:
مين اللي هنحكي عنه؟ عميل؟ موظف؟ الـ Brand نفسه؟ مهم يكون فيه بطل واضح.
2. المشكلة (الصراع):
زي أي قصة لازم يكون فيه تحدي أو مشكلة الجمهور يقدر يتعاطف معاها.
3. الحل:
والحل هنا لازم يكون المنتج أو الخدمة بتاعتك، بس بشكل ذكي مش دعائي.
4. التحول أو النتيجة:
إيه اللي اتغير؟ إحساس، شكل، حياة، تجربة؟
5. نهاية مشوقة أو فيها دعوة للتفاعل:
زي “قولولنا لو حصل معاكم كده قبل كده”، أو “تحبوا نشارك قصتكم المرة الجاية؟”
الخلاصة:
الـ Storytelling مش بس وسيلة تسويق… دي وسيلة تأثير.
كل Brand وراه قصة، وكل منتج يقدر يتحكي بطريقة تلمس القلوب.
السر مش في المنتج… السر في الطريقة اللي بتحكي بيها عنه.
لو عرفت تحكي صح، هتبيع من غير ما تقولي كلمة “اشتري”.
ما تنساش تتابعنا علي الفيسبوك
