الـ influencer marketing:
في وقت الـ social media الحالي، الـInfluencers بقوا هم النجوم الجديدة في العالم. في كل مجال تقريبًا بيحتوي على عدد من الأشخاص ليهم آلاف أو ملايين الـfollowers اللي معتبرينهم خبراء.
وغالبًا ما بتستخدم الشركات الـ Internet Celebrities لجذب اشخاص اكتر لمنتجاتهم. لكن ايه السبب ورا الجاذبية دي ؟ وليه ممكن يكون استخدامهم مفيد للـ marketing strategy بتاعتك؟
اهمية الـ influencer marketing:
مع تطور التكنولوجيا والسوشيال ميديا يوم عن التاني، الناس بقت تقدر تخصص الـ content اللي بيفضلوا يشوفوه حسب اهتماماتهم فقط، وبالتالي استبعاد أي content مش مفضل لهم . ده شئ مفيد للمستهلك، لكنه يعتبر تحدي للشركات. قبل كده ،كانت ممكن الشركات تستخدم الـ TV, Radio عشان تقدر توصل لاغلب الناس.
لكن مع Influencer Marketing، الـ brands تقدر توصل لجمهورها المستهدف بسهولة من خلال منصات مختلفة. وفقًا لـ Forbes ، الـ customers بقوا يشكوا اكتر في الاعلانات المباشرة، وبالمقابل يميلوا ويثقوا أكتر بالمحتوى اللي بيقدموه الـ Influencers لأنه أصيل وبيرتبط بمجالهم. وعشان كده، وقت ما المستهلك يشوف الـ Influencer المفضل ليه يدعم منتج معين، هيكون فيه احتمال أكبر لتجربته مقارنة بإعلان تقليدي.
النوع من التسويق ده بينجح لأن الـ Influencers بنوا علاقة ثقة مع جمهورهم، وبالتالي بيمثلوا “Social Proof” للعلامة التجارية.
ايه هو الـ Social Proof؟
في التسويق، الـ Social Proof هو السمعة، والتقييمات، والتوصيات التي تمتلكها الشركة أو منتجاتها. على سبيل المثال، بيشتري الناس منتجات لـ brands مشهورة. بالاضافة انهم بيقرروا الشراء بناءً على الـ rates وعدد المراجعات، أو بناءً على توصيات من أشخاص موثوقين.
Sprout Social تشير إلى أن 95% من الـ customers بيقرأو مراجعات على الإنترنت قبل ما ياخدوا أي قرار بالشراء.
بالنسبة للـ Influencers، دعمهم للمنتج يُعتبر Social Proof للـ followers، ده لان الـ followers بيثقوا فيهم بسبب خبرتهم والمصداقية اللي بيعكسها محتواهم الواقعي.
أنواع الـ Influencers :
وفقًا لـ Sprout Social، دي الأنواع المختلفة من الـ Influencers اللي ممكن تقابلها، وتأثيرهم على الـ marketing strategy:
- Mega Influencers: أكتر من مليون متابع. تشمل الفئة دي المشاهير، الممثلين، المغنيين، الشخصيات العامة وغيرها. ليهم وصول واسع لكن بتكلفة شراكة عالية. ومع ذلك، ممكن تكون نسبة التفاعل أقل نظرًا لأن جمهورهم أوسع واستهدافه اقل.
- Macro Influencers: بين 100 ألف ومليون متابع. بنوا سمعتهم كخبراء في مجالهم، بيوفروا وصول قوي لجمهور محدد. تكلفتهم أقل من الميجا ولكن still مرتفعة.
- Micro Influencers: بين 10,000 و100,000 متابع. بيقدموا محتوى واقعية اكتر، بيستهدفوا جمهور محدد باهتمام أكبر. ليهم نسبة تفاعل أعلى وتكلفة أقل مقارنة بالميجا والمـاكرو. معظم الـ brands بيفضلوا التعامل معاهم لنفس السبب.
- Nano Influencers: أقل من 10,000 متابع. رغم أنهم الأصغر من حيث الوصول، إلا أنهم يتميزوا بعلاقات قوية مع جمهورهم. محتواهم شخصي، و يقدروا يقدموا شراكات More personalized. بالاضافة ان التكلفة أقل بشكل ملحوظ.
ليه مهم تستخدم Influencer Marketing؟
وفقًا لـ Influencer Marketing Hub، من المتوقع توصل قيمة الـ Influencer Marketing لـ حوالي 21.1 مليار دولار في سنة 2023.
بالاضافة، طريقة استخدام الناس للـ social media اتغيرت، في 2023 استخدم أكتر من 4 مليار شخص الـ social media، يتفاعل المستخدم العادي مع أكتر من 6 منصات مختلفة.
زي ما ذكرنا.
أغلب المتسوقين بيقرؤوا reviews ومراجعات قبل اتخاذ قرار الشراء، وال Influencers قادرين على تقديم نفس النوع من التوصيات بشكل طبيعي.
لو عايز تقرأ Blog تانيه عن الـ Digital Marketing تابعنا من هنا: Blog
وكمان تقدر تتابعنا على Facebook عشان تتابع كل جديدنا
