(Digital Marketing vs Traditional Marketing)الفرق بين التسويق التقليدي والتسويق الرقمي
أولًا: يعني إيه تسويق تقليدي وتسويق رقمي؟
التسويق التقليدي هو الطرق القديمة اللي كانت الشركات بتستخدمها علشان توصل للعملاء
الإعلانات في الجرائد والمجلات
_ الراديو والتلفزيون
_ البروشورات والبوسترات
_ الإعلانات في الشارع زي( اللوحات والـEvents)
أما التسويق الرقمي ( Digital Marketing) هو استخدام الإنترنت والتكنولوجيا علشان توصل لجمهورك، وده بيشمل:
_ الـ Social Media زي ” Facebook, Instagaram, Youtube….
الإعلانات الممولة أونلاين_
_ الـ Email Marketing.
_ المواقع والـ Bloggers
_ الـ Content Marketing والـ SEO.
ايه الفرق بين Traditional Marketing و الـ Digital Marketing؟
1_ الوصول للجمهور:
التقليدي ” Traditional Marketing”
صعب تتحكم مين اللي يشوف إعلانك، يعني ممكن تطبع ١٠٠٠ بوستر ويتوزعوا على ناس مش مهتمة أصلا.
الرقمي ” Digital Marketing”
تقدر تستهدف بدقة شديدة السن، النوع، المكان، الاهتمامات، حتى سلوك الشخص أونلاين.
2_ الميزانيه:
التقليدي ” Traditional Marketing”
. مكلف جدًا إعلان في جريدة مشهورة أو على قناة كبيرة ممكن يكلفك آلاف
الرقمي ” Digital Marketing”
تقدر تبدأ بإعلانات بـ ٥٠ جنيه، وتشوف نتائج وتطور واحدة واحدة.
3_ قياس النتائج:
التقليدي ” Traditional Marketing”
صعب تعرف الإعلان جاب نتيجة ولا لأ. هتسأل الناس؟
الرقمي ” Digital Marketing”
كل حاجة مظبوطة: كام واحد شاف، كام واحد دخل، كام واحد اشترى، وتقدر تطور بناءً على الأرقام
4_ التفاعل:
التقليدي ” Traditional Marketing”
تواصل من طرف واحد، أنت بتتكلم، والناس بتسمع
الرقمي ” Digital Marketing”
اسهل بكتير الناس بترد، بتسأل، بتعمل لايك وشير، وده بيخلق علاقة قوية بينك وبين الجمهور.
إمتى أستخدم كل نوع؟
لو براند كبير جدًا وعندك ميزانية مفتوحة، ممكن تمزج بين الاتنين.
بس لو أنت لسه بتبدأ أو بتسوق لبراند ناشئ، الديجيتال ماركتنج هو اختيارك الذكي.
طب لو عايز أبدأ في التسويق الرقمي، أبدأ منين؟
1_ حدد الجمهور المستهدف:
مين اللي بيشتري منك؟ سنه؟ شغله؟ اهتماماته؟
2_ اعمل تواجد Online:
صفحة علي الـ Social، موقع بسيط، وسجل علي Google My Business لو عندك مكان فعلي.
ابدأ بـ محتوي قوي:
اعرف مشكلة جمهورك وابد اوجد حل بالمحتوى: بوست، فيديو، صورة، أو حتى لايف.
4_ جرب الإعلانات المموله:
مش لازم ميزانية كبيرة، بس لازم يكون فيه خطة واستهداف مضبوط
5_ تابع وحلل النتائج دايمًا:
اسأل نفسك دايمًا: الإعلان ده جاب إيه؟ الناس تفاعلت معاه؟ طب أغير إيه المرة الجاية؟-
في النهاية:
التسويق التقليدي لسه موجود بس مش مناسب لكل Brand ولا كل ميزانية.
التسويق الرقمي هو المستقبل، لأنه بيوصل صح، بميزانية أقل، وبنتايج ملموسة
ابدأ خطوة بخطوة، وافتكر إن السر مش في أدوات كتير، السر في استراتيجية ذكية وتنفيذ صح.
