كل اللي محتاج تعرفه عن Marketing Funnel في الـ Digital Marketing
في عالم الـ Digital Marketing ، لو مش ماشي بخطة واضحة للعميل من أول ما يشوفك لحد ما يشتري ويحبك كمان، يبقى أنت بتضيع فلوسك ومجهودك على الفاضي.
هنا بقى بييجي دور Marketing Funnel .
تعالي ناخد الموضوع حتة حتة بأسلوب بسيط وعملي:
أولاً: يعني إيه Marketing Funnel؟
تخيل قمع :
من فوق = عدد كبير من الناس بتعرفك لأول مرة.
من تحت = عدد قليل بيشتري فعلًا.
كل ما العميل ينزل خطوة في القُمع، هو بيقرب أكتر من قرار الشراء.
الـ Funnel هدفه الأساسي إنه يخلينا نتابع رحلة العميل خطوة بخطوة ونفهم دماغه ونقدمله اللي يناسب كل مرحلة عشان ما يهربش في النص.
ثانياً: مراحل الـ Funnel بالتفصيل
1. الـ Awareness Stage (مرحلة الوعي)
الناس هنا مش عارفينك خالص، دورك تظهر قدامهم وتلفت انتباههم، أهم حاجة تكون رسالتك بسيطة وواضحة وجذابة.
أدوات المرحلة:
1_ إعلانات ممولة (Facebook، Instagram، Tiktok).
2_ فيديوهات قصيرة فيها value مش بيع مباشر.
3_ اعمل Posts تعليمية أو معلومات.
4_ تعاون مع إنفلونسرز يعملولك mention.
مثال:
لو بتبيع منتج تخسيس، ممكن تعملي فيديو سريع بعنوان “٣ أسباب بتمنعك تخس”.
2. الـ Interest Stage (مرحلة الاهتمام)
الناس اللي شافوك بقوا مهتمين شوية، محتاجين تعرفيهم أكتر على الـ Brand بتاعك وحلولك، تبني علاقة معاهم بدون ما تضغط عليهم.
أدوات المرحلة:
1_ اعمل Posts فيها تفاصيل أكتر عن المنتج أو الخدمة
2_ إيميلات تعليمية أو رسائل خاصة
3_ فيديوهات بتشرح حلول لمشاكلهم
4_ ندوات (Webinars) أو Free Sessions
مثال:
“تعرفي إن المنتج بتاعنا ساعد أكتر من ٥٠٠٠ شخص ينزلوا وزنهم بأمان؟”
3. الـ Consideration Stage (مرحلة التفكير)
1_العميل هنا بيقارن بينك وبين المنافسين.
2_ لازم تثبتي له إنك أفضل اختيار.
أدوات المرحلة:
1_ الـ Testimonials (قصص عملاء حقيقيين)
2_ الـ Reviews عالية
3_ مقارنات بينك وبين المنافسين بشكل مهذب
4_ فيديوهات توضح Quality المنتج
مثال:
“ليه منتجنا مختلف عن أي منتج تاني في السوق؟ تعالي شوفي الفرق بنفسك”
4. الـ Conversion Stage (مرحلة الشراء)
العميل جاهز يشتري خلاص، دوري هنا أخليه يكمل بسرعة ومينفعش أعطله.
أدوات المرحلة:
1_ الـ Offers وخصومات محدودة
2_ الـ Push Notifications فيها Call to Action واضح
3_ لينكات شراء سهلة
4_ الـ Free Shipping أو هدية مع أول طلب
مثال:
“احجزي دلوقتي وخدي خصم ٢٠٪ + شحن مجاني لمدة ٢٤ ساعة بس”
5. الـ Loyalty Stage (مرحلة الولاء)
بعد ما يشتري.. محتاجين نرجعه تاني ونخليه Brand Lover.
أدوات المرحلة:
1_ إيميلات شكر
2_ خصومات مخصصة للعملاء القدامى
3 _ مسابقات أو Giveaways خاصة
4_ برنامج نقاط كل ما يشتري يجمع نقاط
مثال:
“شكراً على ثقتك فينا، استني مفاجآت حلوة قريب لعملائنا المميزين.”
ثالثاً: ليه الـ Funnel مهم بالشكل ده؟
1_ بيقلل تكلفة اكتساب العميل (Customer Acquisition Cost).
2_ بيساعدك تعمل Content Marketing صح لكل مرحلة.
3_ بيوجهك تعرف تحط الفلوس فين بالظبط (Awareness؟ ولا Retargeting؟).
4_ بيخليك تكبر قاعدة العملاء الأوفياء مش مجرد مبيعات لحظية.
رابعاً: أخطاء ناس كتير بتقع فيها في الـ Funnel.
1_ تكلم كل الناس بنفس الطريقة من أول لحظة (غلط).
2_ تعرض المنتج للبيع قبل ما العميل يعرفك كويس (غلط).
3_ مفيش محتوى مخصص لكل خطوة (غلط).
4_ مفيش متابعة بعد البيع (غلط كارثي).
خامساً: ازاي تطبق Funnel ناجح؟
1_ افهم جمهورك الأول: احتياجاتهم، مشاكلهم، ونفسيتهم.
2_ حط خطة محتوى لكل مرحلة بوضوح.
3_ استخدم الإعلانات الذكية (زي Retargeting) للوصول للعملاء اللي تفاعلوا.
4_ قيس الأداء وحلل كل مرحلة (كام واحد وصل، كام واحد كمل؟).
5_ حسن الرسائل والحملات بناءً على الأرقام مش الإحساس.
في الأخر :
هو مش رفاهية، دي طريقة ذكية تخلي كل خطوة من العميل معاك محسوبة ومؤثرة.
لو عرفت تبني Funnel صح، هتلاقي:
1_ مبيعاتك بتزيد
2_ تكلفة الإعلانات بتقل
3_ عدد العملاء الأوفياء بيكبر
4_ بتعمل Branding بيقوى قدام المنافسين
ركز على إن كل مرحلة ليها استراتيجيتها، وما تستعجلش النتيجة، الـ Funnel شغل احترافي مستمر مش طلعة ونزلة.
ما تنساش تتابعنا علي الفيسبوك
