الـ Brand Positioning “سر البراندات اللي بتعيش وتفضل في دماغ الناس”.
في وسط الزحمة اللي بنشوفها كل يوم على الـ Social Media… مفيش أكتر من الـ Brands اللي بتحاول تلفت انتباهك.
واحدة بتلعب على السعر، واحدة على الشكل، واحدة على السرعة… بس كام Brand فعلاً بيفضل في دماغك؟
الإجابة: الـ Brand اللي عارف ياخد له “مكان واضح” في عقلك.
والمكان ده هو اللي بنسميه: Brand Positioning – تمركز الـ Brand في ذهن العميل.
يعني إيه Positioning؟
ببساطة، هو مش انت بتبيع إيه؟ لكن هو العميل شايفك إزاي؟ إيه الانطباع اللي بيفضل معاه لما يسمع اسم الـ Brand بتاعك؟ إيه القيمة اللي بيربطها باسمك؟
هل إنت “الأشيك”؟ ولا الأسرع ولا الأوفر ولا اللي بيهتم بالتفاصيل؟
الـ Positioning هو الجملة اللي ممكن العميل يوصفك بيها في ثانية، حتى لو مش بيشتري منك دلوقتي.
ليه Positioning مهم؟
لأنه هو المفتاح الأول للولاء: العميل لما يعرف مكانك في حياته، صعب ينقلك لـ Brand تاني.
بيخليك مختلف في سوق مليان ناس بتقول نفس الكلام، بيسهّل عليك الإعلان، الكتابة، التصميم… لأنك عارف إنت مين وبتكلم مين؟
بيخلي سعرك له قيمة، حتى لو أعلى من غيرك.
إزاي تبدأ تعمل Positioning للـ Brand بتاعك؟
1. افهم جمهورك الأول كويس
مش كل الناس جمهورك، ركز على الشريحة اللي فعلاً بتقدر اللي إنت بتقدمه.
لو جمهورك Class A، يبقى مش هتتكلم بلغة شعبية، ولا تروج بالخصومات بس.
لازم تبني صورة راقية، بتقول إنك value عالية مش مجرد منتج بيتباع.
2. اعرف إنت مين بالظبط؟
ما ينفعش تقول “أنا ببيع منتج حلو”، قول: “أنا الـ Brand الوحيد اللي بيقدم منتج بالشكل ده، بالجودة دي، بالإحساس ده”.
خد وقتك في تحديد القيم اللي بتميزك. هل هي:
الفخامة؟
الراحة؟
الحرفة؟
الذكاء في التصميم؟
السعر مقابل الجودة؟
3. حلل المنافسين
شوف هم واخدين أي Position، هل هم بيقولوا إنهم الأرخص؟ الأسرع؟ الأشيك، ماينفعش تنزل بنفس الرسالة… لازم تكون إنت مختلف.
4. ركب مكانك في عقل العميل
اعمل رسالة Positioning بسيطة ومركزة، عشان تستوطن في دماغ العميل.
الرسالة دي بتدخل في الإعلانات، البايو، الكونتنت، كل حاجة.
الـ Positioning مش بس كلام… ده بيظهر في كل حاجة، الستايل البصري الـ Brand (الألوان – الخطوط – التصوير)، طريقة الكتابة والمحتوى، التغليف، خدمة العملاء، تجربة ما بعد البيع، كل تفصيلة بتقول للعميل: “أنا مين؟ وإنت ليه تختارني؟”
أمثلة براندات ناجحة في Positioning:
_ في Zara: “أنا الموضة السريعة الراقية، بأقل سعر ممكن.”
_في Apple: “أنا التقنية للأذكياء والناس اللي بتحب البساطة والأناقة.”
الخلاصة:
لو ما خدتش مكان في دماغ جمهورك، هتفضل دايمًا بتلعب في مساحة ضبابية، وتتنافس على السعر بدل القيمة.
لكن أول ما تحجز مكان واضح ومميز في ذهنه، هيجيلك، وهيفضل معاك، وهيدفعلك برضاه.
وده السر الحقيقي ورا أي Brand عظيم.
لو عايز تقرأ Blog تانيه عن الـ Digital Marketing تقدر تتابعنا من هنا Blog
وكمان تقدر تتابعنا من خلال الـ Facebook
