الـ E-commerce مش مجرد شغل ده Business ليك ولمستقبلك.
كل اللي محتاج تعرفه عن الـ E-commerce في مصر: ازاي تبدأ وتكسب؟
زمان كان عشان تفتح مشروع لازم تدور على محل، تدفع إيجار، تجيب بضايع، وتستنى الزباين ييجوا يشتروا.
دلوقتي الدنيا اتغيرت، والتجارة بقت Online الـ E-commerce أو التجارة الإلكترونية بقت المستقبل، واللي مش هيستغل الفرصة دي هيخسر كتير.
في المقالة دي، هتعرف كل حاجة عن الـ E-commerce وازاي تبدأ مشروعك بنجاح.
يعني إيه E-commerce؟
ببساطة، الـ E-commerce هو البيع والشراء عن طريق الإنترنت. بدل ما تفتح محل في الشارع، بتفتح متجر إلكتروني أو حتى تبيع منتجاتك من خلال الـ Social Media زي Facebook وInstagram وTiktok.
فيه ناس بتبيع ملابس، إكسسوارات، إلكترونيات، أدوات تجميل، وأي حاجة ممكن تتخيلها.
والجميل إنك مش محتاج رأس مال كبير عشان تبدأ، ممكن تبدأ بمبلغ بسيط جدًا.
ليه التجارة الإلكترونية مهمة؟
تكاليف أقل: مش محتاج تدفع إيجار محل ولا كهربا ولا مرتبات موظفين كتير.
وصول لعدد أكبر: بدل ما تبيع في منطقة معينة، ممكن تبيع في أي حتة في مصر وحتى بره مصر.
مفيش وقت معين للبيع: متجرك مفتوح 24 ساعة، 7 أيام في الأسبوع، يعني الفلوس ممكن تيجي في أي وقت.
سهولة الـ Marketing : الـ Social Media بقت أقوى وسيلة تسويق، وممكن توصل لعدد كبير من الزباين بإعلانات بسيطة.
إزاي تبدأ مشروع E-commerce ناجح؟
1. اختار المنتج اللي هتبيعه.
مهم جدًا تختار منتج عليه طلب، بس في نفس الوقت يكون مختلف عن اللي في السوق. جرب تسأل نفسك:
المنتج ده الناس محتاجاه؟
سعره مناسب ومربح؟
فيه منافسين كتير ولا لأ؟
مثال: لو هتبيع ملابس، ممكن تركز على استايلات معينة للشباب أو البنات. لو هتبيع إكسسوارات، ممكن تختار حاجة مش موجودة في كل مكان.
2. حدد طريقة البيع
فيه 3 طرق تقدر تبدأ بيها:
بيع على الـ Social Media: تفتح صفحة على ي Facebook وInstagram وTiktok. وتنزل Posts للمنتجات، وترد على العملاء في التعليقات والرسائل.
متجر إلكتروني” Store ” خاص بيك: لو عايز توسع وتبان بشكل احترافي، ممكن تعمل موقع إلكتروني خاص بمتجرك.
البيع على منصات جاهزة: زي جوميا، أمازون مصر، و نون، وده يوفر عليك مجهود التسويق، لكن بياخدوا نسبة من الأرباح.
3. جهز خطة التسويق
التسويق هو المفتاح لأي نجاح في الـ E-commerce، وعشان الناس تعرفك لازم يكون عندك خطة واضحة:
الـ Social Media : اعمل Posts وفيديوهات جذابة عن المنتج.
الإعلانات المدفوعة: استخدم إعلانات فيسبوك وإنستجرام للوصول لعدد أكبر من الزباين.
الـ Reviwes وتجربة العملاء: أي حد يشتري منك، خليه يسيب Comment أو Review عشان يجذب ناس أكتر.
4. اهتم بخدمة العملاء والتوصيل
العميل المصري بيحب المعاملة الكويسة والسعر المناسب، لو اهتميت بالعميل وكسبت ثقته، هيشتري منك تاني وتالت. لازم توفر طرق دفع سهلة، وتوصيل سريع بأسعار مناسبة، وكمان تتابع مع العميل بعد ما يستلم المنتج عشان تضمن إنه مبسوط.
طب إيه الصعوبات اللي ممكن تقابلك؟
المنافسة الشديدة: السوق مليان ناس بتبيع نفس المنتجات، فلازم يكون عندك ميزة تنافسية.
الثقة في الشراء أونلاين: بعض الناس لسه مش بتثق في الشراء أونلاين، فمهم توفر سياسة استرجاع واضحة وطريقة دفع سهلة.
مشاكل التوصيل: لازم تتعامل مع شركات شحن موثوقة عشان توصل الطلبات بسرعة ومن غير مشاكل.
في النهاية:
الـ E-commerce فرصة عظيمة لكل حد عايز يبدأ مشروع من غير ما يحتاج رأس مال ضخم. لو اخترت المنتج الصح، واشتغلت على التسويق، واهتميت بالعملاء، هتقدر تحقق نجاح كبير وتوصل لدخل ثابت من الإنترنت.
ابدأ دلوقتي، متستناش الفرصة تيجي لحد عندك، انت اللي تصنع الفرصة.
لو عايز تقرأ Blog تانيه عن الـ Digital Marketing تقدر تتابعنا من هنا Blog
وكمان تقدر تتابعنا من خلال الـ
