الذكاء الاصطناعي مش جاي ياخد مكانك.. جاي يزود قوتك.
لو بصينا حوالينا هنلاقي إن الـ Digital Marketing اتغير تمامًا آخر كام سنة، وبقى أذكى، أسرع، وأكتر دقة.
و السر كان في.. الذكاء الاصطناعي، الـ AI بقى بيغيّر طريقة الشغل في الـ Marketing من أول تحليل البيانات، لحد كتابة الإعلانات نفسها، وده بيخلي الـ Marketer الشاطر هو اللي بيعرف يستخدمه في صالحه مش يخاف منه.
يعني إيه AI في الـ Marketing؟
ببساطة: هو استخدام الخوارزميات والبيانات عشان تفهم سلوك العميل، إيه اللي ممكن يعجبه، وإمتى، وإزاي توصله بالمحتوى أو العرض الصح.
يعني بدل ما تمشي بعينك وخبرتك بس، بتستخدم أدوات بتفكر معاك وبتحلل أسرع منك بمراحل.
أمثلة لاستخدام الذكاء الاصطناعي في الـ Digital Marketing:
1. كتابة المحتوى والإعلانات:
أدوات زي ChatGPT بقت بتساعد في كتابة Posts، Caption، سكريبتات لفيديوهات، وأفكار Creative.
بس الذكاء الحقيقي في اللي بيعرف يستخدمها بشكل بشري، مش حرفي.
2. تحليل سلوك المستخدم:
الـ AI بيقرا إنت بتعمل إيه على الموقع أو الأبلكيشن، ويقدر يتوقع اهتماماتك، ويعرضلك محتوى مناسب ليك.
3. الإعلانات الممولة (Media Buying):
الـ Facebook Ads وGoogle Ads بقوا بيعتمدوا على AI في عرض الإعلانات للناس اللي احتمال يشترو فعلًا، مش لأي حد وخلاص.
4. الشات بوتس:
شاتات ذكية بترد على العملاء وتجاوب على أسئلتهم 24 ساعة، وده بيوفر وقت وجهد كبير لفريق خدمة العملاء.
5.الـ Email Marketing:
الـ AI بيحدد أنهي عميل يستاهل يبعتله إيميل، وفي أنهي وقت، وبأي محتوى، عشان نسبة الفتح والضغط تكون أعلى.
الذكاء الاصطناعي مش بيستبدلك.. هو بيقويك
فيه ناس بتخاف تقول: “طب كده الشغل هيخلص ومش هبقى ليا لازمة؟”
الإجابة لأ..
الذكاء الاصطناعي مش هيستبدلك، لكن اللي مش هيعرف يستخدمه هيبقى بره السوق.
الفرق دايمًا هيكون في العقل البشري اللي فاهم وفنان.. لأن الأدوات بتكمل الشطارة مش بتخلقها.
نصايح لأي Marketer عايز يستخدم AI صح:
تعلم الأساسيات: اعرف إزاي AI بيشتغل، وإزاي تكتب Prompts صح.
اختبر الأدوات الجديدة: جرب أدوات الكتابة، التصميم، تحليل البيانات.
ما تعتمدش عليه 100٪: لازم تحط لمستك البشرية عشان المحتوى يفضل فيه روح.
تابع الجديد: كل يوم فيه أداة جديدة.. اللي بيتعلم أول بأول، هو اللي هيفضل سابق.
الخلاصة:
الذكاء الاصطناعي مش تريند وهيعدي، ده واقع جديد وشريك استراتيجي لأي حد شغال في الـ Digital Marketing .
اللي هيتعامل معاه بحكمة، هيوصل أسرع، ويوفر وقت، ويحقق نتائج أقوى.
واللي مش هيطور نفسه.. السوق مش هيستناه.
ما تنساش تتابعنا علي الفيسبوك
