الـPersonal Branding وأهميته لأي شخص شغال في مجال الـ Digital Marketing.
يعني إيه Personal Branding وليه بقى تريند مهم في 2025؟
ببساطة كده، الـPersonal Branding هو إنك تبني اسمك وصورتك الذهنية في عقول الناس كخبير أو شخص مؤثر في مجالك.
يعني الناس تفتكرك وتثق فيك من غير ما تشرح كتير.
زمان الشركات بس هي اللي كانت بتعمل Brand لنفسها، لكن دلوقتي… الشخص نفسه بقى الـ Brand.
وخصوصًا لو إنت شغال في التسويق، الناس محتاجه تشوف شغلك، أفكارك، طريق تفكيرك، وده اللي بيخليهم يثقوا فيك أو يطلبوا شغلك.
ليه Personal Branding مهم جدًا في الـ Digital Marketing؟
1. الثقة قبل البيع
الناس دلوقتي بقت ذكية، بتشتري من اللي بتحبه وبتثق فيه. لو عملت Personal Brand قوي، الناس هتتفاعل مع شغلك، وتشتري منك حتى لو سعرك أعلى.
2. بيع غير مباشر
من غير ما تعمل إعلان ولا بوست بيعي، بمجرد ما الناس تتابعك وتحبك، هما اللي هيبقوا دعايتك، وهيجولك من غير ما تطلب.
3. فرص شغل أكبر
اللي بيظهر وبيبني Brand لنفسه بيجيله عروض شغل، partnerships، وcollabs كتير جدًا لأنه simply معروف ومؤثر.
4. بيثبت خبرتك
بدل ما تفضل تشرح انت بتفهم في إيه، الـ Brand بتاعك بيشرح عنك. الناس بتتأكد من شغلك من خلال وجودك.
خطوات عملية تبني بيها Personal Brand قوي في 2025.
1. حدد شخصيتك اللي عايز تبنيها عند الناس.
إنت مين؟
بتقدم إيه؟
مين جمهورك؟
إيه الـTone of Voice بتاعك؟ (عقلاني، ساخر، ملهم، خفيف؟)
2. حدد Platform واحدة تبدأ عليها
ابدء مثلاً بـ LinkedIn أو Instagram. اختار حسب جمهورك فين. لو بتخاطب بيزنس يبقى LinkedIn، لو targeting أصحاب المشاريع والعملاء يبقى Instagarm أو Tiktok.
3. نزل محتوى مفيد ومتخصص
مش لازم يبقى تقيل أو longform على طول، المهم يبقى واضح، وبيجاوب على أسئلة جمهورك.
4. احكي قصصك وتجاربك
الناس بتحب القصص أكتر من المعلومات. شارك تجاربك، فشلك ونجاحك، عشان يتعلموا منك ويحسوا إنك “حد شبههم”.
5. حافظ على ثبات الظهور
لو مش هتنزل بانتظام، الناس هتنسى. خليك ثابت في الظهور حتى لو بمحتوى بسيط.
أمثلة لأفكار محتوى للـPersonal Brand في التسويق:
“أكتر ٣ دروس اتعلمتهم من فشل حملة إعلانية”
“إزاي أقنعت عميل صعب يشتغل معانا؟”
“خطة 7 أيام تبني بيها حملة Social Media ناجحة”
“فرق السعر بين الشاطر في التسويق والمبتدئ؟”
“ليه العميل بيختار شركة حتى لو أغلى؟”
في الأخر:
الـPersonal Branding مش رفاهية، ده استثمار طويل المدى. كل Post بينزله حد فاهم هو خطوة بتعلي ثقة الناس فيه وبتزود احتمالية شغل جاي، عميل جديد، أو فرصة أكبر.
ابدء من النهاردة، حتى لو خطوة صغيرة. ابني نفسك كـ”Brand”، وساعتها فرص النجاح هتجري وراك.
