إيه هو الـ Evergreen Content وليه هو مهم في التسويق؟

_ إيه هو الـ Evergreen Content وليه هو مهم في التسويق؟

في عالم الـ Digital Marketing ، فيه نوعين من المحتوى:

1. محتوى بيشتغل لفترة قصيرة زي الترندات والأخبار، وده بيجيب تفاعل سريع بس بيموت بسرعة.
2. محتوى بيعيش لفترة طويلة ويفضل يجيب زيارات بشكل مستمر، وده اللي بنسميه Evergreen Content .

يعني إيه Evergreen Content؟

هو المحتوى اللي بيفضل مفيد ومهم للناس بغض النظر عن الزمن، مش مرتبط بموسم معين ولا تريند لحظي. أي حد يقدر يدور عليه بعد سنة أو حتى 5 سنين ويلاقيه لسه مفيد.

أمثلة على الـ Evergreen Content:

أدلة شاملة: زي “إزاي تبدأ البيزنس بتاعك من الصفر؟”.

قوائم مفيدة: زي “أفضل 10 أدوات مجانية للتسويق على الـ Social Media”.

شرح How-To: زي “إزاي تكتب Post إعلاني ناجح؟”.

تعريفات لمصطلحات: زي “إيه هو التسويق بالمحتوى وإزاي تقدر تستفيد منه؟”.

نصايح عامة: زي “10 أسرار لزيادة التفاعل على Instagram”.

ليه محتوى Evergreen مهم للـ Busienss بتاعك؟

بيجيب Traffic على المدى الطويل لأن الناس بتفضل تدور عليه.

بيحسن الـ SEO لأنه بيكون عليه طلب مستمر وبيخلي موقعك يطلع في جوجل.

مش محتاج تجديد كل شوية زي الأخبار والترندات.

سهل إعادة الترويج ليه في الإعلانات، الـ Email Marketing، والـ Social Media .

إزاي تكتب Evergreen Content ناجح؟

1_ اختار موضوع مهم وطويل الأمد مش مرتبط بموسم معين.

2_ خلي المحتوى سهل ومبسط عشان يناسب كل المستويات.

3_ ضيف معلومات قوية وحلول عملية مش مجرد كلام نظري.

4_ حدثه كل فترة لو محتاج تحديث بسيط عشان يفضل شغال.

5_ روجه بطرق مختلفة في الـ Reels الـ Posts، والإعلانات الممولة.

أمثلة لمحتوى Evergreen ينفع لمجالك:

1_  شغال في التسويق: “إزاي تعمل خطة تسويقية ناجحة بخطوات بسيطة؟”.

2_ عندك بيزنس أونلاين: “أفضل استراتيجيات جذب العملاء للمتاجر الإلكترونية”.

3_  بتبيع منتجات: “إزاي تختار المنتج الصح للبيع أونلاين؟”.

الخلاصة:

لو عايز محتوى يجيب لك زيارات، تفاعل، ومبيعات على المدى الطويل، ركز على الـ Evergreen Content في خطتك التسويقية.

هيخليك دايمًا ظاهر في محركات البحث وهيوفر عليك مجهود كبير في إنتاج محتوى جديد كل شوية.