ازاي تتفوق على منافسينك

ازاي تتفوق علي منافسينك في عالم البيزنس اللي بيتغير بشكل مستمر وبسرعة كبيره بقي تحليل منافسينك خطوه مهمه لا غني عنه

.عشان تتميز عنهم وتتفوق عليهم وفي المقالة دي هنعرف كل حاجه عن ازاي تعرف منافسينك وتحللهم عشان تتفوق عليهم

ليه لازم تبقي عارف منافسيك؟

: تحديد الفرص والتهديدات

معرفه المنافسين وتحليلهم بيساعدك تبقي عارف الفرص اللي موجودة في السوق بحيث إنك تشتغل عليها وتستغلها وبيعرفك بالتهديدات كمان عشان تبدأ تاخد بالك منها وانت بتعمل خطتك التسويقية

تحسين استراتيجيات التسويق

لما تعمل تحليل للمنافسين هتقدر تعرف الاستراتيجيه التسويقيه اللي هم شغالين عليها وبناءاً عليها هتقدر نحدد أحسن خطه تسويقيه تشتغل  عليها

تطوير المنتجات والخدمات

:ًتحليلك للمنافسين هيخليك تعرف مميزات المنتج او الخدمات اللي بيقدموها بحيث إنك تشتغل عليها في منتجك او خدمتك زي مثلا

(…سرعه التوصيل – احجام متنوعة – خدمات ما بعد البيع زي الصيانه والضمان وهكذا)

وهيخليك تعرف نقاط الضعف اللي عندوا سواء بقي في المنتج او التغليف او السعر ما الي ذلك وده هيساعدك على التميز عن منافسيك وتطوير .منتجك بحيث يحل مشاكل العملاء بشكل فعال

:البقاء في صدارة المنافسة

.طول ما انت عينك على منافسينك وبتتابعهم بشكل مستمر فأنت هتقدر تحدث بياناتك عنهم وتاخد قرارات تساعدك ديما تكون متميز عنهم

ازاي تعرف منافسيك؟

:البحث في الإنترنت عن منافسينك

 هتقدر تعرف مين منافسينك عن طريق انكم تعمل بحث بسيط على جوجل عن الشركات اللي شغاله في مجالك

 ممكن برضو تعمل بحث عن طريق الكلمات المفتاحية والجمل البحثية اللي عملائك بيدوروا بيها

:تحليل السوشيال ميديا

عشان تفهم ازاي تتفوق علي منافسينك لازم تابع منافسيك على منصات التواصل الاجتماعي زي فيسبوك وتويتر ولينكدإن وشوف عندهم كام متابع وعدد الاعجابات بصفحاتهم واراء العملاء

راقب منشوراتهم وتفاعلهم مع العملاء واستراتيجياتهم التسويقية وده بتعرفوا اكتر عن طريق تحليل محتواهم وتصاميمهم ومدي تنوع المحتوي اللي بيقدموا (ريلز – تصاميم – فيديوهات – لايف)

: تحليل مواقع المنافسين عشان تتفوق عليهم

زور مواقعهم وحلل محتواهم وتجربه المستخدم من حيث ترابط صفحات الموقع ببعضها وسرعه الموقع وقيمه المحتوي اللي بيتقدم على  مواقعهم وهكذا

:استخدام أدوات تحليل المنافسين

في أدوات كتير على الانترنت بتساعدك على تحليل منافسيك وبتختصر عليك وقت وجهد كبير زي مثلا : SEMrush و Ahrefs و Mozوغيرهم كتير

الأدوات دي تقدر تعرف منها الكلمات المفتاحية اللي عملائك بيستهدفوها وبينافسوا عليها وبتحلل أداء الويب سايت وتعرف ترتيبهم في صفحات البحث

 :تحليل آراء العملاء

.تابع اراء العملاء عن منافسينك و شوف قد ايه هم شايفين الخدمه اللي هم بيقدموا تستحق انهم يشتروها ولا لا

.دور على نقط القوة والضعف اللي العملاء بيقولوها عن منافسينك

:نصايح إضافية

ركز على المنافسين الرئيسيين اللي بيستهدفوا نفس العملاء اللي انت بتستهدفهم مثلا لو انت بتخاطب شباب من الطبقه المتوسطه دور على المنافسين اللي برضو بيستهدفوا شباب من الطبقه المتوسطه

.تابع منافسينك باستمرار عشان تعرف كل خطواتهم والخطط التسويقيه اللي هم شغالين عليها

.من خلال تحليلك للمنافسين هتقدر تحدد النقط اللي هتشتغل عليها في خطتك التسويقية

:الخلاصة

.كل ما كان تحليلك لمنافسينك دقيق ومفصل كل ما كنت قادر إنك تنافسوا وقادر إنك تبقي أحسن منوا وتتفوق عليه